Komuna e Kërçovës ka ndarë vendimet për rreth 180 aplikime në kuadër të projektit “Kërçova Qytet i Kulturës”, duke mbështetur një numër të madh projektesh kulturore të propozuara nga individë, shoqata dhe institucione të ndryshme. Në mesin e aplikuesve ishin  edhe këshilltarë komunal dhe të punësuar në Komunë.
Tv Uskana në ditët në vijim do ti drejtohet zyrtarisht Komunës së Kërçovës për të siguruar listën e plotë të përfituesve të projekteve kulturore.
Aplikuesit me projekte nga fusha të ndryshme të kulturës kanë pranuar vendimet nga Komuna e Kërçovës, ndërsa aktivitetet e përzgjedhura pritet të realizohen gjatë këtij viti në kuadër të manifestimit që synon të pasurojë jetën kulturore në qytet.
Mihajlo Petrevski nga sektori i kulturës pranë Komunës së Kërçovës bëri të ditur se të gjitha aplikimet fillimisht janë shqyrtuar nga një komision i posaçëm,ndërsa më pas propozimet i janë dorëzuar për miratim kryetarit të Komunës.

I pyetur për kriteret e përzgjedhjes së projekteve, Petrevski deklaroi: