Myftinia e Kërçovës, në bashkëpunim me Fondacionin për Zhvillim dhe Qytetërim AXIS, në Qendrën për Kulturë hapi muzeun mobil të Profetit Muhamed “Model Jete”, i cili do të qëndrojë i hapur deri të hënën në mbrëmje.
Qytetarët e interesuar do të mund ta vizitojnë muzeun për t’u njohur nga afër me jetën dhe veprimtarinë e Muhamedit alejhi selam.

Myftiu i Kërçovës Qamil Rushiti tha se Kërçova pas Shkupit është vendi i dytë ku hapet ky muze , ku qytetarët kërçovarë përmes materialeve të ndryshme do të mund të njihen nga afër me jetën e Muhamedit.
Drejtori i muzeut Xhabir Emini foli mbi idenë dhe qëllimin e këtij muzeu, i cili është i krijuar në atë formë që të mund të bartet në vende të ndryshme.
Ndrësa sekretari i myftinisë së Kërçovës,Xhemail Ahmeti ju bëri thirrje qytetarëve që ta vizitojnë muzeun i cili do të qëndrojë i hapur deri të hënën në mbrëmje.