Moti sot do të jetë me diell dhe vranësira të vogla deri mesatare lokale. Do të fryjë erë e dobët deri mesatare nga drejtimi verior. Temperatura minimale do të jetë në interval prej -2 deri 6, ndërsa ajo maksimale nga 13 deri 19 gradë Celsius.

Sipas paralajmërimeve nga Drejtoria për punë hidrometeorologjike, nesër do të mbisundojë mot kryesisht me diell. Pastaj në dy ditët e ardhshme do të ketë vranësira të rritura me kushte për të reshura të dobëta lokale të shiut dhe temperatura më të ulëta ditore. Nga dita e martë vijon periudhë e motit stabil me rritje të temperaturave ditore.