Prezantohet smartphone-i i parë robot në Panairin Teknologjik të Barcelonës. Kolosi teknologjik kinez, Honor ka ekspozuar prototipin e ri të smartphone e njëkohësisht edhe Robotin humanoid për ndihmë shtëpiake. I pari quhet Robot Phone dhe është një telefon me forma tradicionale, por ka edhe një mekanizëm, sy robotik, që del nga trupi i smartphone-it falë disa motorëve të vegjël të instaluar që bëjnë të mundur lëvizjen.

Mund të shkrepë foto dhe video, por shërben edhe si instrument për të vrojtuar mjedisin rrethues, me një rrotullim prej 360 gradësh.

Drejtohet nga një software i IA që ja jep lëvizjet sipas kontekstit, përgjigjet ndaj ndërveprimeve përmes një asisienti dixhital, i quajtur YoYo.

Kjo është hera e parë dhe do shohim se si do plazmojë gjeneratën e ardhshme të teknologjisë përfshirja e IA, me algoritme të ngjashëm me ato të automjeteve me drejtim autonom, për të identifikuar objekte, fytyra dhe thellësi. Gjithashtu, produkti tjetër ka ngjallur kërshëri, roboti humanoid, i krijuar në ngjashmëri me njeriun. Ideja e kompanisë është krijimi i humanoidëve komerciale për ndihmë gjatë pazareve dhe blerjeve, inspektime në vendet e punës, shoqëri dhe mbështetje e ndihmë fizike të personalizuar.