Izraeli ka njoftuar se ka kryer sulme të reja ndaj asaj që e quan “kompleksi i lidershipit” në Teheran, përfshirë edhe pallatin presidenciale, sipas BBC

Sipas raportimeve nga brenda Iranit, goditjet kanë prekur “çdo pjesë” të kryeqytetit.

Ndërkohë, BBC Verify ka analizuar dëmet e raportuara në një objekt bërthamor në Natanz, duke ngritur shqetësime të reja mbi ndikimin e sulmeve në infrastrukturën strategjike të Iranit.

Sipas Gjysmëhënës së Kuqe, numri i viktimave që nga fillimi i përshkallëzimit të sulmeve mes SHBA-Izrael dhe Iranit ka arritur në 787 persona.

Në veri, ushtria izraelite ka deklaruar se trupat tokësore do të avancojnë dhe do të marrin zona të tjera strategjike në Liban, me synimin për të frenuar sulmet që vijnë drejt territorit izraelit.

Situata ka ndikuar edhe në tregjet ndërkombëtare të energjisë, ku çmimi i gazit është rritur ndjeshëm. me një rritje prej rreth 30% në një moment gjatë ditës së sotme, pas një rritjeje prej 50% një ditë më parë.

Gjithashtu, ambasada e Shteteve të Bashkuara në Riad, Arabinë Saudite, është goditur nga dy dronë, të cilët dyshohet se janë lëshuar nga territori iranian.

Në këtë klimë tensioni, presidenti amerikan ka kritikuar sërish qeverinë britanike për kufizimet e aksesit në bazat ushtarake, ndërsa SHBA-ja ka këshilluar shtetasit e saj në Lindjen e Mesme të largohen menjëherë nga rajoni për arsye sigurie.

Situata mbetet e tensionuar, me rrezikun e një përshkallëzimi të mëtejshëm në një nga krizat më të rënda të kohëve të fundit në rajon.