Mëngjesin e sotëm është raportuar alarm për bombë në dy shkolla të mesme në Tetovë, duke shkaktuar evakuimin e nxënësve dhe ndërprerjen e procesit mësimor.

Sipas informacioneve fillestare, alarmi i parë është regjistruar në Gjimnazin 7 Marsi, ku nxënësit janë larguar menjëherë nga objekti si masë sigurie. Në vendngjarje kanë dalë forca policore të cilat po kryejnë kontrollet e nevojshme për të verifikuar informacionin.

Një alarm i ngjashëm është raportuar edhe në shkollën e mesme profesionale rajonale Mosha Pijade, ku po ashtu janë evakuuar të gjithë nxënësit dhe mësimdhënësit, ndërsa mësimi është ndërprerë.

Deri në këto momente, autoritetet nuk kanë dhënë detaje shtesë lidhur me rastet edhe pse denoncime të tilla për një kohë të gjatë tashmë kanë rezultuar të rrejshme.VOXAL