Sfera e mjekësisë është pasuruar sot me një emër të ri, atë të Dr. Rrahim Ballazhi, i cili ka përfunduar me sukses Fakultetin e Mjekësisë dhe ka marrë zyrtarisht titullin mjek.

Kjo arritje e madhe ka ngjallur emocion dhe krenari në familjen Ballazhi, e cila ka ndarë lajmin me të gjithë përmes një postimi nga babai i Dr. Rrahimit, Dr. Xhavit Ballazhi, në Facebook. Ai ka shprehur emocionet dhe gëzimin për këtë moment të paharrueshëm në jetën e familjes së tij.

“Djali im Rrahimi u diplomua dhe zyrtarisht është mjek. Një ëndërr e madhe që e kemi mbajtur në zemër për shumë vite, sot u bë realitet. Ky rrugëtim nuk ka qenë i lehtë, por çdo hap ia vlejti për të arritur këtë ditë. Sot ndjejmë një krenari të dyfishtë: si prindër dhe si mjekë. Të shohësh djalin tënd të veshë mantelin e bardhë dhe të vazhdojë traditën familjare me dinjitet është një bekim i madh, është një emocion që nuk përshkruhet me fjalë, është një ëndërr e pritur gjatë që sot mori formë.

Urime, biri im! Jemi pafundësisht krenarë me ty. Rruga jote sapo ka filluar, por ne e dimë se do të punosh me përkushtim, profesionalizëm dhe zemër të madhe,” ka shkruar ai.