Kryeministri Hristijan Mickoski mohoi akuzat e opozitares LSDM për keqpërdorim të avionit qeveritar, përcjell TV21. Mickoski tregoi se gjatë këtyre viteve në qeveri, e ka përdorur avionin katër herë, në përputhje me dispozitat ligjore. Mickoski tha se do të tërhiqen nga ideja për blerje të avionit të ri qeveritar, ndonëse këtë e kanë sugjeruar ekspertët, ndërsa siç thekson kryeministri, edhe opozita pajtohej se ka nevojë për avion të ri qeveritar.

“Avioni është në gjendje për pilotim. Mund të flisni edhe me personat që e drejtojnë dhe ata janë ata që e inicuan që të përpiqemi të sigurojmë mjete për t’u furnizuar me avion të ri. Shoh që nga opozita u krijua kjo temë, edhe pse në ato takime liderësh, formale dhe joformale që i kam pasur me kryetarin e LSDM-së, ai ishte i qartë dhe tha se për këtë nuk duhet të kritikohet qeveria dhe se nuk do ta kritikojnë qeverinë, sepse nesër do të ketë qeveri të re, ndërsa avioni do të shfrytëzohet edhe për qëllime humanitare, por shoh që nuk e mbajnë fjalën dhe ne do të tërhiqemi nga ai furnizim dhe do të lutemi që të mbetemi gjallë, nëse rrëzohemi diku dhe nëse ndërrojmë jetë, atëherë supozoj që do të jetë e qartë se ky debat për ndonjë qeveri të ardhshme dhe kryeministër të ardhshëm është tepricë dhe i pabazë”, tha Mickoski.