Nga Historiani Dardan Emini:Faqet e historisë së popullit shqiptar janë përplot lavdi, sakrifica, lumenj gjaku e diga baruti.
Sot, 17 Shkurt, dita e triumfit të popullit shqiptar të Kosovës; dita në të cilën këtu e 18 vite më parë u shpall pavarësia dhe njohja ndërkombëtare e shtetit të dytë shqiptar: Kosovës.
Emri Kosovë për shqiptarët e trevave jashtë Shqipërisë së vitit 1913 paraqet një tërësi territoriale të përbashkët dhe lidhje shpirtërore të pandarë përtej emërimeve që pushtuesit vendosnin përgjatë dekadave.
Duke shikuar faqet e historisë, pashmangshëm në këtë ditë lavdie shfaqet emri Kërçovë në këtë mes; me respekt dhe lavdi kujtohen këtë ditë atdhetarët e mërguar në Shtetet e Bashkuara dhe vendet e Europës  gjatë Luftës së Dytë Botërore, e që ndër vite u përpoqën krah për krah me atdhetarët e mërguar nga Kosova.
Në këtë ditë lavdie kujtohen me respekt studentët nga Kërçova që vijuan studimet në qytetet e Kosovës dhe kontribuan në mënyrë aktive në organizimet e ndryshme, me pijetet kujtohen pjesmarrësit e demonstratave te vitit 1981 veprimtarët e organizatave atdhtetare e të burgosurit politik, me respekt kujtohen veprimtarët kërçovarë në përpjekjet e pandalura në Evropë e Amerikë për ndihmën në lobimin dhe njohjen e ndërkombëtarizimin e çështjes së Kosovës.
Kujtohen në këtë ditë lavdie atdhetarët kërçovarë ku sipas  pas porosive për pajtim gjithëkombëtar vijuan me përpjekjet e pandalura, në këtë ditë lavdie përkujtohen atdhetarët nga Kërçova që ndihmuan në organizimin dhe krijmin formacionit të lavdishëm UÇK.
Në këtë ditë lavdie, me uratë për vëllazëri shqiptare, duke tejkaluar kufijtë e ndryshëm që vazhdojnë të ndajnë popullin e lashtë shqiptar, tregimi i Kosovës është pjesa më krenare; duke kujtuar përpjekjet dhe luftërat e pareshtura për vijmësinë e indit shqiptar përmbushet mozaiku për një Shqipëri të bashkuar të së ardhmes.
Gëzuar Pavarsia e Republikës së Kosovës