Tensionet mes presidentit amerikan, Donald Trump dhe kryeministrit indian, Narenda Modi duket se janë ulur, pas vënies së tarifave ndaj shtetit aziatik për naftën ruse.

Përmes një statusi në platformën sociale ‘Truth’, kreu i Shtëpisë së Bardhë ka njoftuar uljen e tarifave ndaj Indisë, pas një bisede që ka pasur me Modin mëngjesin e kësaj të hëne  ku ky i fundit ka pranuar të mos blejë naftë ruse.

Këtë ndryshim kursi të Modit, Trump e sheh si një mundësi për të ndalur Rusinë në luftën kundër Ukrainës.

‘Ai pranoi të ndalonte blerjen e naftës ruse dhe të blinte shumë më tepër nga Shtetet e Bashkuara dhe, potencialisht, nga Venezuela. Kjo do të ndihmojë në PËRFUNDIMIN E LUFTËS në Ukrainë, e cila po zhvillohet tani, me mijëra njerëz që vdesin çdo javë!’, shkruan Trump.

Gjithashtu presidenti amerikan njoftoi arritjen e një marrëveshjeje tregtare mes dy vendeve, për të aplikuar një tarifë të reduktuar reciproke, nga 25% në 18%.

‘Nga miqësia dhe respekti për Kryeministrin Modi dhe, sipas kërkesës së tij, që hyn në fuqi menjëherë, ramë dakord për një Marrëveshje Tregtare midis Shteteve të Bashkuara dhe Indisë, me anë të së cilës Shtetet e Bashkuara do të aplikojnë një Tarifë Reciproke të reduktuar, duke e ulur atë nga 25% në 18%’, thuhet në reagimin e Trump.

Kreu i Shtëpisë së Bardhë njoftoi gjithashtu, QË KRYEMIONISTRI INDIAN Narenda Modi ra dakord që të blejë mallra amerikane në shifrën e 5000 miliardë dollarëve, kryesisht në energji, teknologji, bujqësi, qymyr dhe shumë produkte të tjera amerikane.

Statusi

Ishte një nder të flisja me Kryeministrin Modi të Indisë këtë mëngjes. Ai është një nga miqtë e mi më të mirë dhe një Udhëheqës i Fuqishëm dhe i Respektuar i vendit të tij. Folëm për shumë gjëra, duke përfshirë Tregtinë dhe përfundimin e Luftës me Rusinë dhe Ukrainën. Ai pranoi të ndalonte blerjen e naftës ruse dhe të blinte shumë më tepër nga Shtetet e Bashkuara dhe, potencialisht, nga Venezuela. Kjo do të ndihmojë në PËRFUNDIMIN E LUFTËS në Ukrainë, e cila po zhvillohet tani, me mijëra njerëz që vdesin çdo javë! Nga miqësia dhe respekti për Kryeministrin Modi dhe, sipas kërkesës së tij, që hyn në fuqi menjëherë, ramë dakord për një Marrëveshje Tregtare midis Shteteve të Bashkuara dhe Indisë, me anë të së cilës Shtetet e Bashkuara do të aplikojnë një Tarifë Reciproke të reduktuar, duke e ulur atë nga 25% në 18%. Ata gjithashtu do të ecin përpara për të ulur Tarifat dhe Barrierat Jo-Tarifore kundër Shteteve të Bashkuara, në ZERO. Kryeministri u zotua gjithashtu të blejë "MADE IN AMERICA", në një nivel shumë më të lartë, përveç mbi 500 MILIARDË DOLLARËSH të energjisë, teknologjisë, bujqësisë, qymyrit dhe shumë produkteve të tjera amerikane. Marrëdhënia jonë e mrekullueshme me Indinë do të jetë edhe më e fortë në të ardhmen. Unë dhe Kryeministri Modi jemi dy njerëz që i PËRFUNDOJMË GJËRAT, diçka që nuk mund të thuhet për shumicën. Faleminderit për vëmendjen tuaj ndaj kësaj çështjeje!