Shoqata e gjinekologëve dhe obstetërve privatë paralajmëroi se mbrojtja primare shëdnetësore gjinekologjike-obtetrike po përballet me probleme serioze për shkak të standardeve të padefinuara dhe obligimeve të paqarta kontraktuese. Mjekët theksuan se gjendja e këtillë krijon kaos dhe në mënyrë të paarsyeshme e hedhë përgjegjësinë ndaj tyre në vend se të rregullohet institucionalisht.

“Janë të padefinuara standardet për numrin e kontrolleve të panevojshme, indikacionet për kontrolle. Kontrolle ka shumë me kërkesë të pacientëve, jashtë standardeve. Ekzistojnë promovime mediatike se të gjitha kontrollet janë pa pagesë, ndërsa kjo paqartësi juridike dhe kontraktuese me vite po krijon interpretime të ndryshme dhe përgjegjësinë ua hedh mjekëve në mënyrë të paarsyeshme”, kumtuan ata në konferencën e sotme për shtyp para Ministrisë së Shëndetësisë.

Shoqata theksoi se problemi nuk është në vetë kontrollet preventive, por në mungesën e pakos së qartë të definuar të shërbimeve, që duhet të mbulohet me kapitacionin që e paguajnë pacientet përmes sigurimit shëndetësor. Theksuan se i janë drejtuar Ministrisë së Shëndetësisë dhe Fondit për sigurim shëndetësor për zgjidhje të problemit.

“Duke pasur parasysh krizën gjithnjë e më të thellë në të cilën as ofruesit e shërbimeve shëndetësore as pacientet tona nuk kanë pasqyrë të qartë për të drejtat dhe obligimet, u dërguam kërkesë dy institucioneve relevante dhe partnere për ne: Ministrisë së Shëndetësisë, përmes kompetencave të veta, të përgatitë udhëzime klinike, të cilat mes tjerash do të thonë edhe ngritje sistematike e standardeve për pranim dhe ogrim të mbrojtjes primare shëndetësore në nivel afër standardeve evropiane, dhe Fondit për sigurim shëndetësor, për revidim të marrëveshjes ekzistuese me implementimin e pakos së shërbimeve sipas udhëzimeve nga Minsitria e Shëndetësisë”, theksuan ata, duke shtuar se deri më tnai nuk kanë marrë përgjigje.

Nga Shoqata porositën se mbeten në qëndrimin për hapje urgjente të dialogut me institucionet, me qëllim të revidimit të marrëveshjes ekzistuese dhe vendosjes së sistemit transparent dhe të qëndrueshëm në interes të pacienteve dhe shëndetësisë primare