Shukri Sadiku është emëruar drejtor i ri i Shkollës Fillore Qendrore “Milto Gurra” në fshatin Garanë-Strellcë.
Lajmi është bërë i ditur nga drejtori i deritanishëm i shkollës, Kujtim Kasami, përmes një postimi në rrjetin social Facebook, ku ai ka uruar drejtorin e ri për sukses dhe përkushtim në detyrën e re.
Në postimin e tij, Kasami shprehet se i uron profesor Shukri Sadikut shëndet të plotë dhe përgjegjësi të lartë në udhëheqjen e institucionit arsimor, duke theksuar rëndësinë e vazhdimësisë dhe angazhimit për përmirësimin e procesit arsimor.
Gjithashtu, drejtori në largim ka falënderuar stafin arsimor, prindërit dhe të gjithë bashkëpunëtorët për mbështetjen dhe bashkëpunimin gjatë viteve të kaluara, të cilat, sipas tij, kanë qenë të mbushura me sfida dhe suksese për shkollën.
“Zoti na ndihmoftë”, përfundon mesazhi i Kujtim Kasamit, duke shprehur respekt dhe mirënjohje për periudhën e kaluar në krye të SHFQ “Milto Gurra”.