Lionel Messi është futbollisti më i mirë i të gjitha kohërave, sipas ‘FourFourTëo’. Revista prestigjioze angleze përditësoi klasifikimin e 100 futbollistëve më të mirë që ka njohur bota e futbollit dhe kapiteni i kombëtares argjentinase, kampion i botës në fuqi, Lionel Messi i sheh nga lart të gjithë pasi është ai i në krye të klasifikimit.

Tashmë në moshën 38 vjeçare, Lionel Messi ka lënë pas dy ikonat më të ndritura të këtij sporti sic janë braziliani legjendar Pele dhe El Pibe De Oro, Diego Armando Maradona të cilët plotësojnë podiumin e këtij klasifikimi. Cristiano Ronaldo që vazhdon të shfaqet në një formë të jashtëzakonshme edhe pse në moshën 40 vjeçare, mbeti jashtë podiumit pasi është futbollisti i 4 më i mirë i të gjitha kohërave.

Portugezi ka lënë pas tij, legjenda të tjera si Johan Cruyff, Zinedine Zidane, Franz Beckenbauer apo Alfredo Di Stefano. Dhjetëshen më të mirë të klasifikimit të ‘FourFourTwo’ e plotësojnë Ronaldo Nazario dhe George Best. Por mes 100 futbollistëve më të mirë të të gjitha kohërave figurojnë edhe emra të tillë si Marco Van Basten, Eusebio, Paolo Maldini, Ronaldinho, Lev Yashin, Xavi Hernandez, Andres Iniesta si dhe Luka Modric, Thierry Henry apo Ruud Gullit