Një natë magjike trokiti sërish mbrëmë në ekranet tona me spektaklin e radhës të Big Brother VIP Kosova 4.

Prime-i nisi me shkëlqim dhe emocione, por shumë shpejt atmosfera u tensionua, kur u zbulua se këtë herë banorët do të përballeshin me një nominim të dyfishtë.

Ky vendim rezultoi fatal për dy prej tyre. Jasmina dhe Shkurta i dhanë lamtumirën shtëpisë më të famshme në Kosovë.

Jasmina u eliminua si banorja më pak e votuar nga publiku, ndërsa Shkurta u ndëshkua me zarf të zi. Megjithatë, vendimi final për largimin e saj erdhi nga publiku, pas debatit të ashpër që shpërtheu për shkak të bullizimit të ndodhur brenda shtëpisë, konkretisht ndaj Elijonës.

Debati ndezi shtëpinë dhe përfshiu edhe banoret Dolce, Alba, Benita dhe Elijona, duke e kthyer këtë temë në një nga momentet më të spikatura dhe më të diskutuara të mbrëmjes.

Por prime-i nuk ishte vetëm tension. Mes debateve pati edhe momente tejet emocionale.  Kushtrimi u surprizua fillimisht nga daja i tij, ish-ushtar i UÇK-së, e më pas edhe nga babai.

Rrëfimi i historisë së tij të jetës dhe sfidave me të cilat është përballur ndër vite, preku zemrat e publikut dhe banorëve.

Si përmbyllje perfekte e kësaj nate të mbushur me emocione, surpriza më e madhe erdhi nga ylli i pop-it shqiptar, Era Istrefi.

Artistja performoi live për banorët dhe publikun, duke sjellë një atmosferë të zjarrtë dhe duke i vënë “kapakun” një prime-i që do të mbahet mend gjatë.