Ministrja për Evropë dhe Punët e Jashtme të Shqipërisë, znj. Elisa Spiropali, ka shpërndarë në Facebook një video nga takimi me Ali Ahmetin, Arben Taravarin dhe Bujar Osmanin.

Në postimin e saj, Spiropali thekson se takimi u zhvillua “mes miqsh të mirë”, duke vlerësuar kontributin domethënës të opozitës shqiptare në artikulimin dhe avancimin e kauzave shqiptare si dhe të proceseve integruese euroatlantike.

Ajo nënvizon se Shqipëria do të vijojë të mbështesë angazhimin konstruktiv të subjekteve politike shqiptare, si në pozitë ashtu edhe në opozitë, në funksion të ruajtjes së stabilitetit, fqinjësisë së mirë dhe përshpejtimit të integrimit evropian të dy vendeve