Filluan të kthehen shtetasit e Maqedonisë së Veriut të cilët janë duke punuar përkohësisht jashtë vendit për festat. Edhe të dhënat e MPB-së tregojnë se në vendkalimin kufitar Tabanoc kanë hyrë 36 mijë shtetas të Maqedonisë së Veriut, raporton MIA.

“Në vendkalimin kufitar Tabanoc nga data 20.12.2025 (e premte) nga ora 10:00 deri më datën 22.12.2025 (e hënë) deri në orën 10:00 kanë hyrë në vend 36.316 shtetas të Maqedonisë së Veriut, ndërsa kanë dalë 6.892 shtetas të Maqedonisë. Sa i përket shtetasve të huaj, në të njëjtën periudhë, kanë hyrë në vendin tonë 16.084 persona dhe kanë dalë 7.720 persona”, njoftuan nga MPB-ja.

Nga ana e MPB-së po ndërmerren të gjitha masat dhe po në funksion janë vënë të gjitha kapacitetet njerëzore dhe teknike për të përshpejtuar fluksin e udhëtarëve, duke zbatuar kontrolle të detyrueshme kufitare.