Ish-avokatit të shtetit Fahmi Stefa i është shqiptuar paraburgim për tridhjetë ditë për shkak të rrezikut të arratisjes dhe ndikimit të dëshmitarëve, njoftoi Gjykata Themelore Penale, transmeton Portalb.mk.

Gjykata e pranoi propozimin e Prokurorisë pasi Zyra e Prokurorit Publik Themelor për Ndjekjen e Krimit të Organizuar dhe Korrupsionit informoi më herët dje se në periudhën nga tetori deri më 13 dhjetor 2025, i dyshuari mori gjithsej 50,000 euro për të ndërmjetësuar dhe përdorur ndikimin e tij real për të ndërhyrë tek një gjyqtar në Gjykatën e Apelit të Shkupit. Qëllimi, thonë ata, ishte të ndikonte në ekzekutimin e një veprimi zyrtar që nuk duhej të ishte ndërmarrë përmes ryshfetit.

Hetimi përcaktoi se Stafa fillimisht kërkoi 100,000 euro për të siguruar heqjen e masës së paraburgimit të vendosur ndaj një personi i cili është i paarritshëm për agjencitë e zbatimit të ligjit dhe kundër të cilit Zyra e Prokurorit Publik për NKOK po zhvillon procedurë të veçantë për krime që lidhen me financat publike, transaksionet e pagesave dhe ekonominë.

Përndryshe, i dyshuari në rastin “Zinxhiri”, Ljupço Pecov-Djalli, është personi për të cilin ish-prokurori i shtetit Fehmi Stafa duhej të hiqej masa e paraburgimit, mëson “360 Gradë”. Stafa, i cili është avokati i Pecovit në këtë rast, paraqiti kërkesë disa muaj më parë për të zëvendësuar masën e paraburgimit me arrest shtëpiak në mungesë të Pecov, për të cilën u ofrua garanci. Përndryshe, Pecov është i paarritshëm për agjencitë e zbatimit të ligjit.

Stafa aktualisht është avokat. Ai është pjesë e mbrojtjes së një të akuzuari në rastin e tragjedisë në “Puls” në Koçan dhe ka komunikuar me gazetarët edhe si avokat i të arratisurit dhe të dyshuarit Lupço Pecov.

Ai e ka ushtruar funksionin e avokatit të shtetit nga gushti i vitit 2018 deri në gusht të vitit 2022, kur u shkarkua. Gjatë asaj periudhe, ai paraqiti kallëzim penal kundër drejtorit të Policisë Financiare dhe prokurorit publik të Shkupit lidhur me rastin “Trust” dhe konfiskimin e pasuksesshëm të pasurisë së sekuestruar të Sead Koçanit. U hetua gjithashtu edhe sjellja pasive e Avokaturës së Shtetit në mbrojtjen e pasurisë shtetërore të fituar me konfiskim.

Në opinionin publik ai u lidh edhe me rastin e dërgimit si konsull të Besmira Ejupit që nuk u realiza dhe e cila ishte e angazhuar me honorar në Avokaturën e Shtetit.

Pas largimit nga funksioni, ai ushtroi profesionin e avokatit dhe aplikoi për disa pozita në sistemin shtetëror. Së fundmi ishte kandidat për anëtar të Këshillit Gjyqësor.