Sipas Drejtorisë për Punë Hidrometeorologjikë, temperatura më e ulët mëngjesin e sotëm prej -6 gradëve është matur në Shkup-Petrovec dhe Berovë, -5 në Manastir dhe Demir Kapi, -4 në Tetovë dhe Strumicë, -3 në Prilep, Shtip dhe Kavadar, -2 në Kriva Pallankë, Ohër, Kumanovë, Veles dhe Hanet e Mavrovës, ndërsa mbi zero është vetëm në Gjevgjeli, Krushevë dhe Kodër të Diellit me 1 gradë.

Në orët e mëngjesit dhe të paradites vende-vende do të ketë paraqitje të mjegullës. Gjatë ditës moti do të jetë me diell dhe me vranësira lokale. Do të fryjë erë e dobët nga drejtimi veriperëndimor.Temperatura maksimale do të jetë në interval prej 7 deri 13 gradë Celsius.

Në Shkup, paradite në disa pjesë të luginës do të ketë mjegull. Gjatë ditës moti do të jetë me diell dhe kryesisht i qetë.

Temperatura maksimale do të arrijë deri 7 gradë.

Sipas DPHM-së, deri në fund të javës moti do të jetë me diell dhe kryesisht i qetë. Në orët e mëngjesit dhe të natës, në disa vende do të ketë paraqitje të mjegullës. Temperatura maksimale do të jetë mbi mesataren për këtë periudhë të vitit.