“Vërejta se në kumtesë qartë thuhet se kanë vërejtje ndaj procesit, mënyrës së gjykimit, shkelje së të drejtave të njeriut dhe se hapin lëndë për ta shqyrtuar atë proces. Do t’ju rikujtoj se për raste të tilla ne flasim prej kohësh. Këta janë ata gjyqtarë të cilëve u duket e vogël paga dhe kërkojnë dyfish, trefish më shumë. Të imponuar politikisht dhe të kapur nga qeveria e mëparshme,” tha kryetari i Qeverisë së Republikës së Maqedonisë së Veriut, Hristijan Mickoski, duke iu përgjigjur pyetjes gazetareske.

Kryeministri Mickoski tha se gjyqtari që e udhëhoqi rastin “Tanku” sot po i godet pensionistët për rritjen lineare të pensioneve.

“Shikoni kush e udhëhoqi rastin ‘Tanku’ dhe shikoni ku ndodhet ai gjyqtar sot. Dhe ai nuk ndalet – sot i sulmon pensionistët për rritjen lineare të pensioneve, dëshiron t’ua marrë këtë të drejtë. Ndërkohë, nga ana tjetër kërkojnë paga dyfish, trefish më të larta. Dhe shihni çfarë aktgjykimesh politikisht të imponuara marrin. Fatkeqësisht,” theksoi Mickoski dhe shtoi:

“Për fat të keq, duhet të turpërohemi dhe të skuqemi para Strasburgut për shkak të atyre pak gjyqtarëve që, fatkeqësisht, e kontaminojnë gjyqësorin tonë dhe atyre pak prokurorëve që, po ashtu, fatkeqësisht e kontaminojnë prokurorinë tonë.

Kryeministri Mickoski theksoi se në sistemin e drejtësisë nevojiten reforma thelbësore, e jo rritje të pagave, të cilat, siç tha, tashmë janë ndjeshëm më të larta se paga mesatare në shtet.”

Edhe një herë do ta them: reforma në pjesën e gjyqësorit dhe prokurorisë janë absolutisht të domosdoshme, por reforma thelbësore – jo rritje të pagave për këta gjyqtarë që, sipas meje, nuk e meritojnë as këtë pagë , e cila është dukshëm më e lartë se paga mesatare në shtet,” ishte decid Mickoski.

Kështu që, absolutisht e lexova këtë informacion që erdhi nga Strasburgu dhe vetëm ajo e konfirmon një gjyqësor të imponuar politikisht, ku fatkeqësisht individë të caktuar brenda tij mbeten peng i qeverisë së mëparshme LSDM-së dhe BDI-së