Nënkryetari i BDI-së, Arbër Ademi në një press konferencë për media ku adresoi kritika drejt Qeverisë për mosrealizimin e premtimeve në rrugën drejt BE-së, tha se BE e tha qartë se nuk do të hapen kapituj të tjerë me Maqedoninë e Veriut, njofton Top24

“Mesazhi kryesor i BE-së është i qartë dhe i prerë: Maqedonia e Veriut nuk mund të hapë kapituj të tjerë pa zgjidhjen e problemeve themelore. Mosmarrja e hapave për ndryshimet kushtetuese dhe ngecja në reformat demokratike e juridike kanë ngrirë faktikisht procesin e negociatave. Raporti është një alarm i kuq institucional. Ai dëshmon se qeveria aktuale ka humbur drejtimin strategjik të shtetit dhe ka rrezikuar seriozisht rrugën tonë evropiane. Ndërsa Shqipëria dhe Mali i Zi po ecin përpara dhe po konsolidojnë sundimin e ligjit, Maqedonia e Veriut po ngec në vend – dhe kjo po e largon vendin tonë nga shtetet që realisht po afrohen me BE-në”, tha Ademi.