“ Ideja ime, duke qenë se jam moderatore dhe autore e emisionit, ishte që të krijoja këtë lloj emisioni për të përçuar vlerat shqiptare të njerëzve”

Eftuar në “Live From Tirana” me Ronaldo Sharkën, ka qenë moderatorja Atalanta Kërçyku. Ajo foli më shumë për emisionin e saj më të ri në Top Channel, “Albanian Brand”, por jo vetëm…

”Bëhet fjalë për shqiptarë të suksesshëm të cilët jetojnë dhe operojnë jashtë vendeve të Shqipërisë, sepse të suksesshëm normalisht kemi dhe brenda kufijve të Shqipërisë. Ideja ime, duke qenë se jam moderatore dhe autore e emisionit, ishte që të krijoja këtë lloj emisioni për të përçuar vlerat shqiptare të njerëzve. Ka dhe njerëz të suksesshëm që nuk janë të famshëm dhe unë për këtë kam dashur të bëj një miks, sepse jo vetëm VIP janë të suksesshëm, ka dhe njerëz që kanë arritur shumë por nuk njihen gjerësisht. Pra kam bërë një ndarje mes personave që janë VIP, atyre jo VIP, por të gjithë të suksesshëm. Njerëz shqiptarë që jetojnë jashtë për të dhënë mesazhe se si t’i mund të arrish gjëra jo vetëm në vendin tënd, por dhe përtej. Ata janë për mua maja e ajsbergut e personave me të cilët duhet të krenohemi dhe të nderohemi. Ata jetojnë dhe operojnë jashtë, kanë çarë një treg tejet të vështirë, secili nëpër fusha të ndryshme, nga kulinaria, biznesi, sporti, këngë, opera, balet. Ka nisur puntata e parë me Eno Peçin, i cili është primo balerin i Teatrit të Operas dhe Baletit në Vjenë dhe ne kemi shkuar specifikisht me stafin tonë atje, kemi qëndruar 2-3 ditë atje dhe kemi shkuar pas tij nëpër prova, në salla teatri, kemi parë performanca live, kemi parë ecejaket e tij nëpër rrugët e Vjenës. Pra një mini dokumentar i personave të suksesshëm jashtë. Pastaj kam vazhduar me puntatën e dytë me Olen Cezarin, të cilit i kam shkruar personalisht. Ne e kishim lënë ta bënim jashtë, sepse të gjitha puntatat pothuajse janë bërë jashtë, por në rastin e tij bëmë një përjashtim sepse shkuam në Porto Palermo në festivalin e tij dhe morëm një intervistë ekskluzive me të, shumë orë para nisjes së spektaklit. Intervistat janë kryesisht në aspektin personal, gjithmonë nëse ata duan të prononcohen dhe në aspektin e punës, vështirësive dhe duke marrë ato detajet e vogla për shembull a kanë pasur stërkëmbësa, a kanë qenë racistë njerëzit ndaj tyre… Puntata e tretë ka qenë me Fundim Gjepalin, shef kulinarie dhe më pas vazhdojmë me puntatën e katërt e cila është këtë të shtunë”, tha moderatorja e njohur.