Kryetarja e Forumit të Gruas të Alternativës, Albulena Demiri Zendeli, në një postim në Facebook ka shkruar se sot në Manastir dhe Kërçovë u shpreh përkrahja për bartëset e listës për këshilltar komunal të koalicionit VLEN, Teuta Ahmedi-Purellku dhe Olendije Ali.

“Sot, ato nuk janë thjesht emra në listë. Ato janë gra që guxojnë të udhëheqin, të përfaqësojnë dhe të ndryshojnë realitetin tonë. Me integritet, dije dhe zemër – bartëset tona të listës janë shembulli më i qartë se lidershipi nuk ka gjini, por vizion”, shkruan Zendeli.

Ajo thekson se sot, këto gra nuk kërkojnë vetëm vend në këshill, por marrin përgjegjësi. “Sepse kur gratë janë në ballë, e ardhmja është më e fortë për të gjithë”, shton ajo.