Ministria e Punëve të Brendshme njoftoi sot në mëngjes detaje rreth zjarrit të madh të mbrëmshëm që shpërtheu në qendër të Shkupit, pranë Tregut të Gjelbërt.

“Më 24.09.2025 në orën 23:07, në SPB Shkup është raportuar se në një parking në bulevardin “11 Tetori” në Shkup, është djegur një automjet pasagjerësh “BMW” me targa të Shkupit, në pronësi të një personi juridik, është përfshirë nga zjarri edhe një automjet pasagjerësh “Citroen” me targa të Shkupit, si dhe një pjesë e një objekti shitjeje me pakicë”, informojnë nga MPB.

Zjarri është shuar nga Brigada e Zjarrfikësve. Nuk ka të lënduar, është kryer inspektim dhe po merren masa për sqarimin e rastit”, informoi Ministria e Punëve të Brendshme.