Plazhi i Porto Palermos është një nga zonat më të bukura të bregdetit shqiptar, mes ujërave të kristalta të Jonit.

Kryeministri i Shqipërisë, Edi Rama përcolli sot në rrjetin social Facebook një foto nga Porto Palermo, duke e cilësuar si “pamje të paqtë”.

Plazhi ka një pamje spektakolare me guralecë të bardhë, me ujëra të kristalta dhe në krye një kala 200-vjeçare.

Në stinën e verës plazhi mbetet një destinacion mjaft tërheqës për të gjithë vizitorët që kërkojnë qetësinë, freskinë, historinë e bukurinë e pamasë që Porto Palermo ofron.

“MIRËMËNGJES dhe me këtë pamje të paqtë nga Porto Palermo, ju uroj një ditë të mbarë e plot dritë?”, ka shkruar Rama.