Të paktën 18 persona vdiqën dhe dhjetëra të tjerë u plagosën në dy sulme në Kolumbi, ndërkohë që me autoritetet flasin për konflikte me natyrë narko-terroriste.

”Të paktën 12 oficerë policie vdiqën dhe tre të tjerë u plagosën pasi një helikopter policie u rrëzua pranë qytetit Amalfi në departamentin verior të Antioquia”, tha guvernatori Andres Julian.

Pak kohë më vonë, dy pajisje shpërthyese shpërthyen pranë një baze ajrore në qytetin Cali në jugperëndim të vendit.

”Gjashtë persona u vranë dhe më shumë se 70 u plagosën”, sipas autoritetit lokal shëndetësor.

Kryebashkiaku i Calit, Alejandro Eder, foli për një “sulm narko-terrorist”, ndërsa njoftoi se ushtria do të merrte kontrollin e qytetit.

Presidenti kolumbian, Gustavo Petro foli gjithashtu për akte terrorizmi dhe krime kundër njerëzimit të kryera nga grupe të armatosura, ndërsa njoftoi se qeveria e tij do të niste veprime ligjore për të siguruar që këto grupe kriminale të ndiqen penalisht si terroristë.

”Në Antioquia, dy helikopterë kishin lënë oficerë policie në një zonë rurale për të shkatërruar fushat e kokainës”, sipas një raporti nga gazeta ”El Tiempo”.

Helikopterët ishin larguar nga zona, por u kthyen pasi u informuan se oficerët ishin nën sulm. Një nga avionët u godit më pas nga një dron dhe u rrëzua.

Sulmi besohet të jetë kryer nga një grup i shkëputur nga ish-organizata guerile e krahut të majtë FARC.

Sipas guvernatorit Andres Julian Rendon, grupet e shkëputura të FARC dhe sindikatës kriminale të Kartelit të Gjirit janë aktive në rajon.

Forcat e sigurisë kishin sekuestruar më parë 1,5 tonë kokainë që i përkiste Kartelit të Gjirit.

Forcat Ajrore të Kolumbisë thanë se sulmi në Cali ndodhi të enjten pasdite pranë bazës ajrore ”Marco Fidel Suarez” ndodhi me një makinë-bombë.

Autoriteti lokal shëndetësor tha më vonë se gjashtë persona u vranë dhe 71 u plagosën, përfshirë katër në gjendje kritike.

Pas sulmit në Cali, Eder tha se ushtria do të merrte kontrollin e qytetit dhe se policia do të shtonte kontrollet për hyrjen në qytet.

Kolumbia është prodhuesi më i madh i kokainës në botë.

Sipas Kombeve të Bashkuara, vendi ka më shumë se 250 000 hektarë me të korra kokaine, rreth 65% të sipërfaqes së kultivimit të kokainës në botë.

Biznesi jashtëzakonisht fitimprurës i kokainës po nxit dhunën në vendin e Amerikës së Jugut, i cili ka një të kaluar të trazuar.

Rebelët e krahut të majtë, paraushtarakët e krahut të djathtë dhe ushtria luftuan një konflikt të përgjakshëm të armatosur për 52 vite rresht me rreth 200 000 viktima.