​​​​​Google zyrtarisht ka prezantuar serinë e re të telefonave Pixel 10. Seria përfshin Pixel 10, Pixel 10 Pro, Pixel 10 Pro XL dhe Pixel 10 Pro Fold, dhe siç ishte spekuluar javët e fundit, modeli bazë Pixel 10 vjen për herë të parë me kamerë telefoto, një përmirësim i dobishëm.

Pixel 10 ka një ekran OLED 6.3-inç me rezolucion Full HD+ që Google e quan Actua. Falë teknologjisë LTPO, frekuenca e rifreskimit mund të rregullohet deri në 120 Hz sipas nevojës.

Edhe pse është modeli bazë i Pixel, ekrani është jashtëzakonisht i ndritshëm me 2,000 nits në modalitetin me ndriçim të lartë, dhe është i mbrojtur nga Corning Gorilla Glass Victus 2 për t’u rezistuar gërvishtjeve

Telefoni përdor procesorin Tensor G5 3nm SoC, i prodhuar nga TSMC, së bashku me çipin e sigurisë Titan M2. Ky është çipi i parë Tensor i prodhuar jashtë Samsungut, që pritet të sjellë performancë më të mirë dhe efikasitet energjetik. Në Pixel 10, ky është i shoqëruar me 12 GB RAM dhe 128 ose 256 GB memorie të brendshme UFS 4.0.

Sa i përket dizajnit, nuk ka shumë ndryshime në pjesën frontale. Vetëm kur telefoni kthehet, vihet re sistemi i ri i kamerave në formë kapsule që tani ka tre sensorë në vend të dyve më parë. Sensor kryesor ka 48 MP, ultra i gjerë 13 MP, dhe kamera e re telefoto me 10.8 MP me zmadhim optik 5x. Në pjesën e përparme gjendet një kamerë 10.5 MP me autofokus, sipas Bug.

Ndryshe nga modelet e mëparshme, Pixel 10 ka bateri pak më të madhe me kapacitet 4,970 mAh dhe mbështet karikim me kabllo 29 watt dhe karikim pa tela 15W sipas standardit të ri Qi2. Një risia është edhe prezantimi i aksesorëve Pixelsnap për karikim pa tela, me të cilët Pixel 10 është natyrisht i pajtueshëm.

Nga ana e softuerit, ai vjen me Android 16 më të fundit, dhe Google premton deri në 7 vjet përditësime të sistemit operativ dhe sigurisë, që është ndër më të mirat në treg. Ndër funksionet e tjera janë sensori ultrasonik i përmirësuar për gjurmët e gishtave poshtë ekranit dhe certifikata IP68 për rezistencë ndaj ujit dhe pluhurit.

Çmimi i bazës për Pixel 10 do të jetë 900 euro, ndërsa versioni me 256 GB memorie do të kushtojë 1000 euro.