Sulmuesi kolumbian, Luis Diaz ka mbërritur në Mynih këtë mëngjes përpara transferimit të tij te Bayern Munich, i cili do të përfundojë pasi të kryhen ekzaminimet mjekësore gjatë ditës së sotme (e martë).

Liverpooli do të marrë 70 milionë euro në tarifa fikse dhe 5 milionë euro në bonuse të thjeshta nga transferimi.

Diaz pritet të nënshkruajë një kontratë katërvjeçare me kampionët gjermanë deri në vitin 2029.

Kujtojmë që Liverpooli e bleu Diazin nga Porto në vitin 2022 për 49 milionë euro dhe ai ka një periudhë të shkëlqyer karriere pas tij.

Ai luajti 148 ndeshje në të cilat shënoi 41 gola dhe shtoi 16 asistime.

Kolumbiani fitoi dy herë Kupën Carabao, pastaj Ligën Premier, Kupën FA dhe Superkupën e Anglisë, e cila njihet ndryshe si Community Shield.

Duke sjellë Diazin, Bayerni do të ketë një sulm të fortë sezonin e ardhshëm, sepse do t’i bashkohet yjeve si Harry Kane dhe Michael Olise në sulm.