Nga Sektori për Punë të Brendshme në Ohër thonë se një 16-vjepar ka ndërruar jetë si pasojë e një aksidenti në Ohër–Shën Naum, përcjell TV21. Sipas autoriteteve, i riu ka humbur kontrollin e motoçikletës dhe është përplasur në një shtyllë metalike.

“Më 17 korrik 2025, në ora 01:40 pas mesnate, në SPB Ohër është raportuar se, në rrugën rajonale Ohër–Shën Naum, në pjesën ndërmjet lagjes Raça dhe hyrjes së vjetër për hotelin “Park”, një moped i drejtuar nga një 16-vjeçar nga Ohri ka dalë nga rruga dhe është përplasur në një shtyllë metalike. Ai ka pësuar lëndime të rënda trupore dhe është transportuar me autoambulancë në Spitalin e Përgjithshëm të Ohrit, ku ka ndërruar jetë si pasojë e plagëve të marra. Pasagjeri, gjithashtu 16-vjeçar nga Ohri, ka pësuar lëndime të rënda trupore, të konstatuara në Spitalin e Posaçëm “Shën Erazmo” në Ohër”, thonë nga SPB-Ohër.