Temperaturat rriten dhe bashkë me to edhe ‘nxehtësia’ në rrjetet sociale. Personazhet e njohura të showbizit shqiptar kanë nisur pushimet dhe nuk hezitojnë të ndajnë me ndjekësit pamje nga bregdeti shqiptar, që nga momentet me fëmijët, deri te pozat provokuese në bikini.

Marina Vjollca ka qenë ndër të parat që nisi pushimet. Pas disa ditësh jashtë vendit, moderatorja është rikthyer në Shqipëri, ku krahas relaksit, ka kombinuar edhe punën: fotot nga plazhi i kanë shërbyer për të promovuar produktet e reja të markës së saj. Por ndjekësit duket se më shumë janë fokusuar tek format dhe pozat sensuale të moderatores, sesa tek produkti.

Tuna, ndërkohë, ka zgjedhur të kalojë ditët e nxehta pranë djemve të saj. Këngëtarja është shfaqur më e qetë dhe më familjare këtë herë, ndryshe nga postimet më të guximshme që ka bërë në të shkuarën.

Recently Spotted Asteroid Set for Near Miss With EarthKeep Watching

Pas një viti të trazuar në jetën personale, Elia Zaharia ka zgjedhur që verën ta kalojë pranë miqve. Aktorja ka publikuar foto nga plazhi, por ka preferuar të ruajë një profil më të rezervuar, pa poza në bikini, por me veshje të lehta verore që ruajnë finesën e saj karakteristike.

Xhensila Myrtezaj, një nga këngëtaret më të angazhuara të sezonit, ka gjetur vetëm një ditë për të shijuar detin. E veshur me bikini dhe mbi një board surfi, ajo ka marrë gjithë vëmendjen me format perfekte dhe stilin sportiv, pa zbuluar shumë për shoqërinë që e shoqëron.

Ndërsa Xhemi Shehu, gjithmonë diskrete, ka ndarë një foto të rrallë me bikini të zeza. Edhe pse është një nga figurat më të vjetra të ekranit, Xhemi konfirmon se eleganca dhe sharmi nuk kanë moshë.