Në një atmosferë impozante në Zyrih të Zvicrës u prezantua biografia e afaristit tonë z. Nijat Bajrami, “Drejtues dhe Vizionar“ me autor Blerim Ramadani. Libri në tërsinë e tij është konceptuar të jetë biografi dhe është dedikim për afaristin tonë z.Nijat Bajrami dhe ngërthen në vete udhëpërshkrimin, sfidat dhe rreziqet që sjellë vetë jeta dhe bota e biznesit. Biografia në fjalë, shfaqet si një galeri e pasuruar me ngjarje personale nga e kaluara, ngjarje të cilat kanë patur impaktin në vazhdimësinë e suksesit të tij. Libri mund të perceptohet si një pasqyrë për brezat dhe gjeneratat e reja, por mbi të gjitha, edhe si një përmbledhje e ngjeshur, e rrugëtimit të Nijatit drejt ëndrrës zviceriane.

Biografia do të mbetet si një guidë, që do t‘i  shërbejë gjithësecilit që dëshiron të njohë vështirësitë e së kaluarës dhe frutat e së ardhmes së një afaristi në shtetin  zvicerian. Prezantimi ishte nën udhëheqjen e panelistëve, moderatores dhe profesoreshës nga Shqipëria znj. Meggi Zhugli, nga Zvicra, znj. Manuella Zollinger, autori z.Blerim Ramadani si dhe afaristi z. Nijat Bajrami, nga Maqedonia e Veriut, ku secili kishte rastin t’u drejtohet pjesmarrësve me fjalë përshëndetëse.

Vëllimi i biografisë është i realizuar në dy gjuhë, shqip dhe gjermanisht dhe u prit nga të pranishmit me shumë entuziazëm dhe duartrokitje.