Mbretëria e Bashkuar dhe BE kanë rënë dakord për një marrëveshje të re pas Brexit, e cila përfshinë ndër të tjera një bashkepunim 12-vjeçar për anijet e peshkimit të BE-së në ujërat e Mbretërisë së Bashkuar.

Në këmbim, Mbretëria e Bashkuar siguroi një marrëveshje që zvogëlon kontrollet mbi eksportet e ushqimit në BE, sipas BBC.

BBC raporton se dhe një pakt mbrojtjeje dhe sigurie pritet gjithashtu të jetë një pjesë kyçe e marrëveshjeve që do të njoftohen sot.

Po ashtu dhe elementë të tjerë, si një skemë e lëvizshmërisë së të rinjve, për t’u lejuar atyre të moshës 18-30 vjeç në Mbretërinë e Bashkuar dhe BE të lëvizin lirisht midis vendeve për një periudhë të kufizuar kohore, por qe ende kanë nevojë për më shumë negociata.

Sekretari i Biznesit Jonathan Reynolds tha për BBC se qeveria dëshiron që njerëzit “të shohin dhe të ndiejnë përfitime të menjëhershme”.

Kritikët, përfshirë Kemi Badenoch dhe Nigel Farage, kanë paralajmëruar kundër “dorëzimit” të Britanisë ndaj BE-së.

Në takim merr pjesë nga BE, Presidenti i Këshillit Evropian António Costa, Presidentja e Komisionit Evropian Ursula von der Leyen si dhe Përfaqësuesja e Lartë e Bashkimit Evropian për Punët e Jashtme dhe Politikën e Sigurisë, Kaja Kallas.