Andres Iniesta është rikthyer në Barcelonë prej disa ditësh, pasi është duke mbajtur kursin e trajnerit në Dubai.

Ish-reprezentuesi spanjoll mori pjesë në Diada de Sant Jordi të mërkurën, ku nënshkroi kopjet e librit të tij të dytë ‘Mendja luan gjithashtu’ në FNAC L’Illa Diagonal.

Gjatë një prezantimi në La Pedrera të martën, Iniesta foli për motivimin e librit, i cili eksploron anën psikologjike të futbollit elitar dhe përvojën e tij personale me depresionin.

Megjithatë, ai mori gjithashtu një moment për të shprehur admirimin e tij për skuadrën aktuale të Barcelonës nën drejtimin e trajnerit të ri Hansi Flick.

Iniesta u pyet edhe nëse kjo Barcelonë mund ta fitoj ‘Tripletën’, derisa tha se nuk është një ekzagjerim.

“Nuk është ekzagjerim të flasim për një ‘Tripletë’, duke pasur parasysh se si po performon skuadra,” tha Iniesta.

“Ata janë duke udhëhequr La Ligën, janë në finalen e Kupës së Mbretit dhe kanë arritur në gjysmëfinale të Ligës së Kampionëve. Të fitosh të tre trofetë nuk është kurrë e lehtë, por shpresojmë që ne mund ta përjetojmë atë lloj suksesi përsëri. Ndeshjet e ardhshme do të vendosin gjithçka”, tha Iniesta.

Barcelona në gjysmëfinale të Ligës së Kampionëve përballet me Interin, derisa nëfinale të Copa del Rey do të luajnë ndaj Real Madridit.