Është ndarë nga jeta, profesori i gjuhës shqipe, Hamit Xhaferi i cili ishte me prejardhje nga fshati Zajaz i Kërçovës por prindërit e tij ishin shpërngul në Tetovë.

Profesor Hamiti shërbeu tërë jetën arsimit shqiptarë duke qenë profesor disa dekada në Gjimnazin e Tetovës dhe më pastaj në Universitetin e Europës Juglindore.

Profesori Vebi Bexheti nëpërpes një postimi në Facebook ka njoftuar për ndarjen nga jeta të Prof Hamit Xhaferrit.

Lajm pikëllimi!

Sapo kuptova se paska ndërruar jetë kolegu ynë i punës, Prof. Hamit Xhaferi, bashkëpunëtori shumëvjeçar, që mbi tridhjetë vite e ndamë të mirën e të keqen bashkë. Profesori universitar, Hamit Xhaferi ishte një edukator i mrekullueshëm dhe profesor i shkëlqyeshëm i lëndës Gjuhë e letësi shqipe, që një kohë punoi në Gjimnazin e Tetovës e mëpastaj në dy universitetet, në fillin në UT, e njëzet vitet e fundit në Universitetin e Evropës Juglindore (UEJL), si profesor i rregullt i disa lëndëve të letërsisë dhe një kohë të gjatë edhe si udhëheqës i Katedrës së gjuhës e letërsisë.

Prof. Hamiti ishte studiues këmbëngulës i letërsisë, nga ajo e vjetra e deri te kjo e sotmja. Ishte pjesëmarrës i rregullt në konferenca, simpoziume e takime të ndryshme letrare, mbarëkombëtare, ndërkombëtare dhe autor i shumë punimeve shkencore e pesëmbëdhjetë teksteve studimore në fushë të letërsisë popullore, të asaj të shkruar dhe fushës etno-kulturore.

Me këtë rast u shpreh ngushëllime familjes, kolegëve ish nxënësve, studentëve dhe gjithë miqve e dashamirëve, që Hamiti i kishte gjithandej, në hapësirat shqiptare.

Pusho i qetë kokeg i nderuar!