Identifikohet shoferi që tërhoqi zvarrë kalin nëpër Shkup me veturën e tij – do të përgjigjet për “torturë të kafshëve”, raporton SHENJA.

MPB-ja njoftoi se pas publikimit të një videoje në rrjetet sociale, në të cilën shihet shoferi duke vozitur veturën e pasagjerëve Golf me targa të Shkupit, me një kalë të lidhur dhe duke e tërhiqur nëpër zonën e qytetit, menjëherë janë marrë masat përkatëse nga SPB Shkup.

Sipas deklaratës, punonjësit e policisë kanë ushtruar veprime për identifikimin e autorit të krimit dhe dokumentimin e tij, ku bëhet fjalë për vepër penale e “torturës së kafshëve”, parashikuar dhe e dënueshme nga neni 233 i Kodit Penal.

Pas masave të marra është identifikuar personi që drejtonte mjetin. Me të është zhvilluar një intervistë zyrtare dhe për rastin është njoftuar edhe prokurori publik. Sipas udhëzimeve, në Prokurorinë Themelore Publike – Shkup do të përgatitet njoftim për veprime të mëtutjeshme në bazë të materialit të mbledhur dhe të dokumentuar.