Ka disa rikthime të mëdha në historinë e Manchester Unitedit dhe njëri prej tyre është i vitit 1999 në Ligën e Kampionëve, në triumfin e “djajve të kuq” në këtë garë. 

Teddy Sheringham dhe Ole Gunnar Solskjaer në ndeshjen e zhvilluar në “Camp Nou” shënuan golat e fitores 2:1, me rikthim të rezultatit ndaj Bayern Munichut. Në fund, Unitedi e festoi trofeun prestigjioz evropian. 

Dramatike ishte edhe ndeshja kthyese e çerekfinales së Ligës së Evropës ndaj Lyonit, të enjten. 

Trajneri Ruben Amorim ka thënë se ka qenë i motivuar nga ngjarja e para 26 vjetëve. 

“E kam shikuar dokumentarin e vitit 1999 për të gjetur inspirim për momente të tilla”, ka thënë Amorim për “TNT Sports” pas fitores 5:4 kundër 10 futbollistëve të Lyonit. 

Tre golat e fundit Unitedi i shënoi në gjashtë minutat e fundit të vazhdimeve për fitoren 7:6 me rezultat të përgjithshëm. 

“Ishte natë e madhe. Po humbnim 4:2 me një lojtar më shumë dhe të gjithë menduan se mbaroi gjithçka. Por këtu nuk mbaron kurrë asgjë. E kam ndier se gjithçka është e mundur”, ka deklaruar Amorim.