Xiaomi ka prezantuar modelin e ri të telefonit të mençur Redmi A5.

Kompania ka sjell përmirësime të dukshme në dizajn, kamerë dhe performancë, duke e bërë teknologjinë më të avancuar të qasshme për një audiencë më të gjerë.

Redmi A5 vjen me një dizajn të rafinuar, me korniza të drejta dhe detaje të përmirësuara në kamerë, e cila tani është e rrethuar me një kornizë metalike.

Telefoni ka trashësi prej vetëm 8.26 mm dhe ofrohet në tri ngjyra të sofistikuara:

Midnight Black dhe Sandy Gold – me përfundim mat që nuk lë njolla, duke ofruar një elegancë të përhershme dhe diskrete.

Ocean Blue – e frymëzuar nga natyra, me motive që kujtojnë valët në një sipërfaqe të qetë uji.

Telefoni është i pajisur me një ekran të madh prej 6.88 inç me një frekuencë rifreskimi deri në 120Hz, duke ofruar një përvojë të këndshme për shikimin e videove, shfletimin e internetit apo leximin.

Teknologjia e rezistencës ndaj prekjes siguron funksionim të pandërprerë edhe në kushte të lagështa.

Për përdorim të zgjatur, ekrani ka certifikim TÜV Rheinland për mbrojtjen e syve dhe teknologji DC dimming për të reduktuar lodhjen e syve.