Liga e Kampioneve vjen këtë të mërkurë me dy përballje elektrizuese, që do të përcaktojnë dy gjysmëfinalistet e radhës.

Në “San Siro”, Inter-i pret Bayern-in pas fitores 2-1 në ndeshjen e parë, ndërsa në “Santiago Bernabéu”, Real Madrid-i do të tentojë të realizojë një nga përmbysjet më të mëdha në historinë e këtij kompeticioni, pas humbjes 3-0 ndaj Arsenal-it në ndeshjen e parë.

Të dyja këto ndeshje do të luhen duke nisur nga ora 21:00.

Kujtojmë se në gjysmëfinale janë kualifikuar Barcelona dhe PSG-ja deri tani.