Mediat në Itali shkruajnë se Igli Tare pritet të ulet në bisedime me CEO-n e Milanit, Giorgio Furlani javën e ardhshme, duke rifilluar bisedimet për rolin e drejtorit sportiv të kuqezinjve. 

Ish-drejtori i Lazios, Tare, do të rifillojë bisedimet me Milanin javën e ardhshme, si një nga kandidatët më serioz për këtë pozitë. 

Shqiptari është një nga kandidatët për t’u bërë drejtor sportiv i Milanit në sezonin 2025-2026 dhe tashmë ka zhvilluar bisedime me Gerry Cardinale dhe Zlatan Ibrahimovic. 

Sidoqoftë, pronari i Milanit, Cardinale, përfundimisht e ngarkoi Furlanin të zgjedhë drejtorin e ri sportiv. Sipas Sky Sport Italia dhe Milanneës, bisedimet mes drejtorit ekzekutiv të klubit dhe Tare do të rifillojnë javën e ardhshme. 

Furlani tashmë zgjodhi Fabio Paraticin për postin e drejtorit sportiv të Milanit, por ish-drejtuesi i Juventusit u largua përfundimisht nga lista për shkak të çështjeve ligjore. 

Milanneës raporton se Tony D’Amico i Atalantas dhe Giovanni Sartori i Bolognas nuk kanë gjasa të jenë kandidatë për Milanin pasi ata nuk janë të gatshëm të largohen nga klubet e tyre. 

Nga ana tjetër, Tare aktualisht është pa klub, kështu që ai do të ishte i lirë të bashkohej me kuqezinjtë dhe të fillonte ndërtimin e ekipit për sezonin e ardhshëm sa më shpejt të jetë e mundur.