“Djalli” rikthehet të festojë në Serie A, me Milan që del me 3 pikë nga transferta përballë Udines pas suksesit 4-0. Kjo fitore me “poker” golash mban të gjallë shpresën e ekipit kuqezi për të siguruar një vend në Evropë, për të shpëtuar këtë sezon të vështirë. Conceiçao hodhi një ekip ndryshe në fushë, me një skemë të re, dhe efektet ishin pozitive, teksa nuk e vendosen ndeshjen për asnjë moment në dyshim edhe pse goli i parë erdhi vonë, në minutën e 42-të ku Leao me një goditje fantastike brenda në zonë dërgoi topin në rrjetë. Milan nuk u mjaftua me kaq, por në fundin e pjesës së parë, Pavlovic me kokë dyfishoi shifrat.
Me fillimin e pjesës së dytë, tifozët e pranishëm në stadium përjetuan makthe teksa portieri Mike Maignan u largua nga fusha me barelë si pasojë e një përplasje të fortë me Jimenes.
Për të mbyllur llogaritë me Udineses mendoi Theo Hernandez, me anësorin francezin që realizoi një gol shumë të bukur pas një aksion personal. Në fund, kishte kohë edhe për një tjetër me gol, me Reijnders që kompletoi “pokerin” pas një assisti të pastër nga Leao.
“Një Milan i frikshëm”, shkruan La Gazzetta dello Sport në faqen e parë. Me këtë fitore, Milan i afrohet zonës Euro, por trajneri Conceiçao nuk preferon të flas për këtë pjesë: “Unë mendoj javë pas jave, por nuk duhet të flasim për këtë. Rendësi kanë rezultatet”, u shpreh trajneri i Milan.
