Myftinia e Kërçovës, në bashkëpunim me imamin Muamer ef. Shemoski dhe Këshilli i Xhamisë "Yeni Cami"  të fshatit Pllasnicë  ganizuan manifestimin qëndror me rastin e Israsë dhe Miraxhit me një program të begatë dhe me lexim Kur’ani.

Në fillim nga imami Adi ef. Beshiri u lexua një pjes nga e Kurani Famëlartë, më pastaj  Myftiu Qamil ef. Rushiti, e shpalli të hapur aktivitetin duke përshëndetur të gjithë të pranishmit dhe duke treguar vlerën e madhe të Israsë dhe Mi’raxhi.

Ligjeratën mbi natën e Miraxhit e prezentoi imami i xhamisë Sulltan Bajaziti në Kërçovë, mr. Imer ef. Jusufi i cili para besimtarëve sqaroi porositë aktuale që i sjell Israja dhe Miraxhi në kohën bashkëkohore edhe atë: adhurimi i Zotit ashtu siç Ai e meriton, lidhshmëria shpirtërore e që është namazi pesëkohësh, arsimimi dhe dituria profesionale nga gjeneratat e ndryshme, ngritja e vetëdijes së lartë nga gjinia njerëzore, pas ligjeratës të imamit mr. Imer  Jusufi.

Programi u pasurua me pjesë nga Mevludi Fisnik dhe ilahi të kënduara nga Kori i Myftinisë, ku ky manifestim fetar  u përmbyll me lexim të Kuranit dhe një lutje të përbashkët.